«Жеті Күйім – Жетігенім!» Айгерім Елемесованың жеке шығармашылық кеші

Өтетін орны: Астана қ., Камералық зал «QAZAQSTAN» ОКЗ (Мәңгілік ел, 10/1)

Күні: 17 мамыр 2023 ж.

Басталуы: 18:00

Тұрақ: бар

Жанр: 

Ұзақтығы: 60 минут

Қосымша:

 

 

 

«Роза Бағланова атындағы «Қазақконцерт» мемлекеттік концерт ұйымының ұйымдастыруымен «Астана Сазы» қазақ мемлекеттік фольклорлық ансамблінің солисі Айгерім Елемесованың «Жеті күйім – жетігенім!» атты жеке шығармашылық кеші өтеді.

Әйгерім Елемесова жетіген аспабын жетік меңгеріп, ұлттық аспаптың тылсым қырлары бойынша медитация өткізген. Талғамы биік тыңдарманның құлақ құрышын қандырып, көгілдер экранда көпшіліктің қошеметіне де бөленіп жүр. Дарынды жас талант иесі жетігенді қазіргі заман туындыларымен үндестіріп талайды таң қалдырумен келеді. Репертуары өте ауқымды. Құрманғазы, Дина, Дәулеткерей сынды күйші-композиторлардың шығармаларын өз нақышына келтіріп, заманға сай орындайды. Этникалық және POP мәдениеттерінің элементтерін біріктіретін – этно-поп стилі арқылы жастарға қазақ аспаптарын кеңінен дәріптейді. Ол өз шығармашылығын шыңдап, ұлттық аспаптың үнін дәуір үрдісіне қарай шеберлікпен үйлестіре біледі. Өнерсүйер қауым жетіген аспабының үнін сағына күтіп, ерекше сезіммен тыңдайды.

Концерттік бағдарламада қазақтың ән-күйлерi мен шет елдің заманауи шығармалары орындалып, жетіген мен алуан түрлі аспаптың жаңаша үндестіктері көрсетіледі.

Іс шараға: «Дарын» мемлекеттік жастар сыйлығының иегері Ардақ Елеусіз, республикалық және халықаралық байқаулардың лауреаты Абзал Өсімбаев, халықаралық байқаулардың жүлдегері, жас әнші Асылайым Болатқызы қатысады.

«Астана сазы» ансамблінің көркемдік жетекшісі – «Шабыт» халықаралық фестивалінің дипломанты, М.Өтемісұлының 200 жылдығына арналған дәстүрлі әншілер байқауының гран-при иегері, «Ғасырлар сазы» халықаралық фестивалінің лауреаты, «Алаш Ұстазы» төсбелгісінің иегері, композитор Бауыржан Ақтаев.