Пранк - Махаббат

Ғашық болудың бәрі ғажап емес. Сүйгенің дәл сондай сезіммен жауап бермесе, машақаты да мың-миллион. Ондай жағдайда не істеу керек? Тұла бойын махаббат жалыны шарпыған қос құрдас аяулысының жүрегін жаулай ала ма? «Сезім жолында жан құрбан» деген ғашықтар хикаясының соңы немен аяқталмақ?

Студенттік шақтың қызығы мен шыжығы мол шытырман оқиғаларының куәсі болғыңыз келсе, театрға асығыңыз! Ұтқыр әзіл, әдемі әуен, шытырман оқиғаға құрылған комедия студенттер өмірінің боямасыз болмысын паш етеді.