Премьера! «Ақан сері туралы аңыз» спектаклі

2024 жылдың мамыр айының 2-сі мен 3-і сағат 19:00-де Әзірбайжан Мәмбетов атындағы мемлекеттік драма және комедия театрында «АҚАН СЕРІ туралы аңыз» қойылымының ПРЕМЬЕРАСЫ өтеді. Режиссері: Уланмырза Карыпбаев - Ш.Айтматов атындағы мемлекеттік жастар сыйлығы иегері. Инсценировка авторы – Дарын жастар сыйлығының иегері – Мирас Әбіл. Театрдың көркемдік жетекшісі – Қазақстан Республикасының Еңбек сіңірген қайраткері Тұрсынбек Қабатов.

Ән еркесі, жыр серкесі, сегіз қырлы серілік өнердің көрнекті өкілі – Ақан Қорамсаұлының өмір жолының, тағдыр торабының қызықтылығы сондай, көзі тірісінде-ақ, ол туралы аңыздар ел аузында кең таралып кеткен. Ақан сері туралы толғамнан туған қойылымда А. Қорамсаұлының, М. Әуезовтің, С. Жүнісовтің, М Кәрімнің, М. Әбілдің, І. Мұратбектің шығармалары, ел аузындағы аңыз-әңгімелер қолданылған. Демек қойылымда көрсетілген сахналар толықтай Ақан серінің өмірінен алынды деуге келмейді. Қойылымның айтар ойы да осында…