Бір тауықтан алты тағам

Қойылым театр примадонналарының бірі, ҚР Еңбек сіңірген әртісі, Наталья Сац атындағы балалар мен жасөспірімдерге арналған театр сахнасында жарты ғасырдан астам уақыт қызмет еткен талантты актриса - Крымская Валерия Георгиевнаның мерейтойына арналған.

Алдындағы бар кедергілерді жойып, күші мен әсеріне төтеп беру қиын келетін «үлкен» аналық махаббат туралы авантюралық комедия. Қойылым идеясы қарапайым әрі үйреншікті - өктемшіл, өзінің 40 жасар ұлын қатты жақсы көретін анасы оны үйлендірмекші екен. Үлкен жастағы, алайда анасының сөзінен шықпайтын ұлын бақытты етуді қатты қалаған анасы өз үйінде үйлену агеннтігін ашып, келген жас қыздарды келіндікке таңдау барысын бастайды. Баласының әлдеқашан ер жетіп, ересек адам болғанын мойындағысы келмей, өзінің жұмылған жұдырығында аялап өсірген ана бейнесі бәрімізге де мәлім. Оған қоса ол өзінің қатысуынсыз, мұқиятты бақылауынсыз баласы еш уақытта өздігінен бақытқа қол жеткізе алмайды екеніне кәміл сенеді. Сонымен қатар баласының айналасында лайықты келін болатын қыздың жоқтығына да сенімді анасы бұған дейін баласы өзі таңдап әкелген қызды қабылдамаған екен, себебі, оның ойынша, бір тауықтан алты тағам жасай алмайтын қыздың оның асыл ұлына не керегі бар? Осыдан кейін баласын қатты жақсы көретін анасы бұл істі өз қолына алған екен, ал мұндай жағдайдан өмірдің өзі әкеліп соғатын келеңсіз, ироникалық сәттерге толысқан нағыз әзілкештік және жан түршігерлік оқиға құралды.