МУЗЫКАЛЫҚ АЛЬЯНС Үшінші концерт

Камералық кештер топтамасы

МУЗЫКАЛЫҚ АЛЬЯНС

Үшінші концерт

КОНЦЕРТ ҚАЗАҚ ЖӘНЕ ОРЫС ТІЛДЕРІНДЕ ӨТЕДІ

«Музыкалық альянс» топтамасының концертінде камералық жанр классигі Йозеф Гайдн мен ХХ ғасыр музыкасындағы неоклассикалық ағым өкілі Альфред Шниткенің шығармаларынан камералық жауһарлар шырқалады. Концерт бағдарламасын скрипкашылар: Қазақстанның еңбек сіңірген қайраткері Бағдат Әбілханов, Әнел Шәкірова, виолончельші Ермек Құрманаев және «Астана Опера» камералық оркестрі ұсынады.

Жиі орындалатын әрі көпшілік сүйіп тыңдайтын виолончель мен оркестрге арналған Бірінші концертті Й.Гайдн 1760-шы жылдардың алғашқы жартысында жазған. Ұзақ уақыт бойы ол жоғалып кеткен шығармалардың есебінде болды, бірақ кейін нота қолжазбалары Праганың Ұлттық музейінің архивінен табылды.

Бұл 33 жастағы композитордың өзінің досы, князь Эстерхази оркестрінің виолончельшісі, 25 жастағы дарынды хас шебер Йозеф Франц Вайгльге арнап жазған музыка. Онда сол уақытқа тән асқан шеберліктің барлық қабылданған элементтері бар: төменгі регистрден жоғарғыға күрт ауысулар, жетілдірілген үйлестіру мен үлкен ептілікті талап ететін жылдам пассаждар. Бұдан басқа, белгілі бір сәтте виолончельші контрапункт ойнайтын екі аспапты имитациялауы тиіс.

А.Шниткенің екі скрипка мен камералық оркестрге арналған №1 Кончерто-гроссосы Й.Гайднның виолончельге арналған концертіне қарама-қайшылық болмақ. Композитор өзінің жеке композиция әдісін полистилистика деп атады. Бұл автор өз шығармасын түрлі стильде белгілі бір фрагменттерден коллаж ретінде «құрастыратын» музыка шығарудың тәсілі. Атоналдық музыка барокко немесе романтизм стиліндегі тақырыппен алмасуы мүмкін, ал соңынан қарабайыр ән ілесіп кетуі ықтимал.  

Стильдердің әрқайсысы автордың белгілі бір ойын немесе эмоциясын білдіреді және осынау стильдік шифрларды оқу едәуір оңай. Мысалы, Шниткеде барокко стилі (Вивальди, Бах) – бұл мінсіз, бірақ жоғалған әлем синонимі. Ал атоналдық, диссонанстық музыка стилі, әдетте, қазіргі заманның аласапыранын білдіреді.

Полистилистика әрдайым жарқын, түсінікті, өте тиімді, аздап естен тандырарлық, бірақ еш уақытта жалықтырмайды. Оған №1 Кончерто-гроссо дәлел.  

БАҒДАРЛАМА:

И.С.Бах. Скрипка мен оркестрге арналған №1 концерт, ля минор, BWV 1041

I. Allegro moderato

II. Andante

III. Allegro assai

 

И.С.Бах. №4 Бранденбург концерті, соль мажор, BWV 1049

I. Allegro

II. Andante

III. Presto

 

Й.Гайдн. Виолончель мен оркестрге арналған №1 концерт, до мажор

I. Moderato

II. Adagio

III. Allegro molto

 

А.Шнитке. Екі скрипка мен камералық оркестрге арналған №1 Кончерто-гроссо

I. Прелюдия

II. Токката

III. Речитатив

IV. Каденция

V. Рондо

VI. Постлюдия

 

ОРЫНДАУШЫЛАР:

Ермек ҚҰРМАНАЕВ (виолончель)

Бағдат ӘБІЛХАНОВ, Қазақстанның еңбек сіңірген қайраткері (скрипка)

Әнел ШӘКІРОВА (скрипка)

Алексей КОСЫРЕВ (флейта)

Александр ТАРАСКИН (флейта)

Фортепиано партиясы – Бекзат АХМЕРОВ

«АСТАНА ОПЕРА» КАМЕРАЛЫҚ ОРКЕСТРІ

Дирижер – Абзал МҰХИТДИН, Қазақстанның еңбек сіңірген қайраткері

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.