«Еңлік-Кебек»

«Еңлік-Кебек» спектаклі - ертедегі қазақ қоғамының басынан өткен трагедия. Шығармаға өмірде шын болған ғашықтар Еңлік пен Кебектің трагедиялық тағдыры арқау болған. Олар - ескі әдет-ғұрып шырмауын үзіп, жүрек қалауымен бір-біріне қосылған екі ғашық. Дала заңын құрмет тұтқан ру шонжарларының қатал үкімімен қаза тауып, екі жастың қосылмау трагедиясымен аяқталады.

«Еңлік-Кебек» шығармасы қазақ театр өнерінің бастауы. 1917 жылы М.Әуезовтің пьесасы алғаш рет Абай ауылының киіз үй сахнасында қойылды. Қойылымның қоюшы-режиссері де, суфлері де Мұхтар Әуезов болған.