«Жазғы түнде көрген түс». Неміс театры

Романтика, махаббат пен ғажапқа толысқан музыкалық иірімді қойылым. Арнайы эффектілер: жарық безендіруі, классикалық музыканы электрондық бағдарламалар арқылы трансформациялау көрермендерге түс атмосферасына терең енуге мүмкіндік береді, ондағы барлық қоршаған дүние тылсым әрі ерекше болып сезілетіні анық. Жай ғана ТҮС!

«Жазғы түнде көрген түс» - Шекспирдің ең романтикалық пьесаларының бірі. Қойылымда тек әзіл мен көрермендердің көңілдерін көтеруге деген ұмтылыс орын алады. Қисынсыз және болмашы дүние болып көрінетін нәрсенің бәрі оның жай ғана ТҮС екендігімен ақталады.

Басты тақырыбы махаббат болатын жастар аудиториясына арналған қойылым. Жас-кәріні, бай-кедейді, жәндік-гүрдерді - барлығын бірдей бағындыратын махаббатың құдіретті күші.

Шекспирдің пьесасында Афина герцогы Тесей мен амазонка патшайымы Ипполитаның үйлену тойымен байланысты үш қиылысатын сюжеттік оқиға орын алады. Пак есімді орман рухының қитұрқылықтары, оның сюжет кейіпкерлерімен ойнауы олардың қарым-қатынастарын шатастырып, беймазалыққа апарады. Ал Пак бәрін орнына келтіргенде, кейіпкерлер басынан өткізгендерінің барлығын түс деп қабылдайтын болады.