Күлкілі ақша

М. Горький атындағы Мемлекеттік академиялық орыс драма театры Елорда тұрғындарына танымал комедия жанрының шебері Рэй Кунидің пьесасы бойынша «Күлкілі ақша» комедиясын ұсынады, оның пьесалары Чарли Чаплиннің фильмдерімен салыстырылады, себебі оның сюжеттері кенеттен шебер түрде жазылған болатын. Бұл туындылар қырықтан астам тілдерге аударылып, Англияның қазіргі заман драматургиясының классикасы атанды.

«Күлкілі ақша» - ағылшын драматургі қаламынан жарық көрген тағы бір өткір әзілге толы жағдаят комедиясы. Аса ештеңемен ерекшеленбейтін ағылшындық клерк өзінің туған күнінде ерекше ешнәрсе күтпей, кездейсоқ түрде ақшаға толтырылған бөгде біреудің сөмкесін үйіне алып келеді. Оңайшылықпен кешірілмейтін үлкен қателік туындағанын аңғарып, ол еш кідірмей қаша жөнелуге бел буады. Алайда бәрі олай оңай бола қоймас: үйінде әйелі қонақтарды күтіп отыр, аяқ астынан полиция инспекторлары жетіп келді, ал олармен бірге достары да қонаққа келе қалды...

Басты кейіпкер бұл күтпеген жағдайларды шешіп, аман-есен қала ала ма екен? Бұл сұраққа өзіңіз жауап іздеуге асықпаңыз, Рэй Кунидің қиялы мен тәжірибесіне сеніңіз, нәтиже көңіліңізді қалдырмайтын болады!