«Дәстүр өнері» көрмесі

2024 жылдың 17 мамыр күні Ұлттық мұражайда «Дәстүр өнері» халықаралық көрмесі ашылмақ. Жоба заманауи бейне арт, арт инсталляция, фотография, арт-перформанс өнерінің бірнеше бағытын қамтиды. Көрмеде итальяндық фотограф Габриэле Галимбертидің, австриялық суретші Норберт Брюннердің және «Adyr Aspan» (Қазақстан) шығармашылық тобының бейне арт-перформансының жұмыстары ұсынылады.

Көрме Қазақстан Республикасы Ұлттық мұражайы мен 365ART (Швейцария) компаниясының бірлескен жобасы болып табылады. Жоба Қазақстан Республикасы Мәдениет және ақпарат министрлігі мен швейцариялық «Interprospekt Group» компаниясының қолдауымен жүзеге асырылды.

Габриэле Галимберти көрмеде ұсынылған «In her Kitchen» жобасын жүзеге асыру үшін жиырма бес елді шарлап өтті. Фотограф көрермендерді әйелдер ұлттық тағамдардың сырларымен бөлісетін сан алуан елдердің дәстүрлі тағамдарымен тереңірек танысуға шақырады. «Дәстүр өнері» жобасы аясында мұражай қонақтарына автордың Қазақстан аумағында арнайы мерейтойлық іс-шара үшін түсірілген суреттерін бірінші болып көру мүмкіндігі ашылады.

Итальяндық фотограф Габриэле Галимберти Италияның Тоскана өңірінде, Ригутино қаласында дүниеге келген. Автор өзінің алғашқы жұмыстарын студент кезінде жасаған. Бүгін Габриэле Галимбертидің фотосуреттері әлемнің ең беделді баспаларында жарияланды, олардың ішінде: National Geographic, The Sunday Times, Stern, Geo, Le Monde, La Repubblica, Marie Claire.Автор World Press Photo Award сыйлығының иегері, James Beard Foundation Award, Premio Amilcare G. Ponchielli, APP Prize және т.б. Габриэле National Geographic ресми фотографы және Canon брендінің ресми өкілі болып табылады.

Австриялық суретші Норберт Брюннер Швейцариямен шекарадағы Хохенемс қаласында дүниеге келген. Қазіргі уақытта ол Венада тұрады және жұмыс істейді. Тұжырымдамалық, мәнерлі суретші сондай-ақ арт инсталляциялар жасап, халықаралық деңгейде танымал болып табылады. Оның еңбектері АҚШ, Австрия және Германияда жеке коллекцияларда да бар. Автордың жеке көрмелері Claire Oliver Gallery (Нью-Йорк), Бейкерштрассе 4 (Bäckerstrasse4, Вена) галереясында, Швейцарияда, Ресейде, Қытайда және басқа да елдерде өтті.

Көрме жобасы аясында ADYR-ASPAN шығармашылық ұжымы «AQ Dala» тұжырымдамалық арт-перформансын көпшілік назарына ұсынады. Жеті қатысушының орындауындағы би қар басқан Сарыарқа даласында өтеді. Барлық ақ киім киген бишілердің қимылы олар өсіп-жетілген жердің дәстүрлі мотивтерін жеткізеді.

Көрме жобасының бейне арт, түсірілім және түсірілім материалдарын монтаждауды дарынды оператор Алмас Мақсут жүзеге асырды.