«Тәңір нұры» көрмесі Астана қаласында

Қазақстан Республикасының Ұлттық мұражайында 18 мамыр күні Рафаэль Слекеновтың «Тәңір нұры» атты жеке көрмесі ашылады.

Рафаэль Слекенов - Қазақстан суретшілер одағының мүшесі, «Тарлан» сыйлығының лауреаты, Польша мәдениет министрлігінің стипендиаты, Қазақстан Сурет академиясының корреспондент-мүшесі.

Суретшінің өнері тек Қазақстанда ғана емес, шет елдерде де кеңінен танымал. Шебер халықаралық аренада еліміздің атағын асқақтатып, ұлт абыройын арттыруға зор үлес қосқан.

Көрменің идеясы көрермендерге адамның жан дүниесінің тазалығы мен қарапайымдылығы туралы және адамның қоршаған ортаның сұлулығын өзінің өмір сүру үлгісімен қалай сақтап, көре алатынын көрсету және еске түсіру болып табылады. Көрермен бұл көрмеде автордың ерекше сиқырлы әлемімен терең таныса алады. Шебердің жұмыстарында қандай да бір балалардың тікмінездігі сезіледі, өмірдің бала көзімен бейнесі ашылады. Осынау сара ғажайып өмір сондай шынайы әрі сондай нақты етіп сезіледі.