Астана – арман қала

Арқа төсін айқара қамтыған Есілдің екі қанаты күн сайын көркіне көз тоймастай құлпыра түсуде. Көзді ашып жұмғанша әсем ғимараттары гүл секілді қаулап шыға келетін Астана талай әсем әндерге арқау болғаны ақиқат.                                                 

6 шілде сағат 20.00 де Еркеғали Рахмадиев атындағы Астана қаласы әкімдігінің Мемлекеттік академиялық филармониясының Эстрадалық вокал бөлімі «Астана – арман қала» атты қала күніне арналған мерекелік ән кешін тарту етеді.

Концертке Майра Ильясова, Естай Мұқашев, Қанат, Света Айтбаевтар, Ұлықпан Жолдасов, Арайлым Рахымқызы, Гүлнұр Оразымбетова, Зарина Омарова, Мұратбек Хайролда, Фарида Жолдасова, Әкімхан Мәженов, Алтыншаш Мұқатаева, Айдын Жұмабай, Диана Май, Парасат Отан, Қымбат Жамбылбек, Дидар Серікқали сынды белгілі өнер қайраткерлері мен эстрада жұлдыздары, сондай-ақ DJ Dake және «ALEM» заманауи би балеті қатысады.         Кеш аясында «Сәлем, саған туған ел», «Астана кештері», «Астана арулары», «Астана вальсі», «Армандастар», «Арман қала – Астана», «Жайна, Астана», «Алтынай», «Қазағым сөнбесін», «Қазақстан» сынды т.б. белгілі әндер орындалады.